Porsche компанияси тўрт ўринли электросуперкар прототипини кенг оммага намойиш этди. Айтилишича, у бир марта қувватлантирилганда 500 км масофа босиши мумкин. Mission E номини олган концепт ўзига хос “Премьералар туни”да – Volkswagen компанияси Франкфурт моторшоуси бошланишидан олдин уюштирилган махсус тадбирда намойиш этилди.
Концепт иккита электромоторга эга бўлиб, уларнинг умумий қуввати 600 от кучидан ошади. Машина дастлабки 3.5 секундда 100 км/соат тезликка эришади. 200 км/соатлик босқичга у 12 секундда чиқади. Бундан ташқари, тўрт ўринли Mission E Нюрбургриннинг “Шимолий тасмаси”ни 8 дақиқада босиб ўтиши мумкинлиги айтилмоқда.
Прототип учун 800 вольтли батареяларни қувватлантириш тизими ишлаб чиқилди.
У автомобилнинг литий-ионли батареяларини 15 дақиқада 80 фоизга тўлдириш имконини беради. Бу эса 400 км масофани босиб ўтиш учун етарлидир. Porsche Mission E’ни оддий розеткадан қувватлантириш имкони ҳам бўлади.
Янги модель кузови алюминий, пўлат ва карбон билан кучайтирилган полимерлардан ясалган бўлиб, ғилдирак дисклари кўмир-пластикдан ясалган.
Машина эгаси салондаги барча тизимларни махсус илова орқали узоқдан созлаши мумкин бўлади. Бундан ташқари, электрон калитнинг виртуал копиясини оила аъзоларидан ёки яқинларидан бирига бериш имконияти бўлади. Калит эшикни очиш, моторни ишга тушириш, маълум вақт давомида ишлаш учун керак бўлади.
Машина қачон конвейерга қўйилиши ҳақида маълумот йўқ.
Франкфурт-2015 моторошоусидан онлайн репортаж