Toyota иссиқликдан қувват оладиган RAV4 гибридини тақдим қилди

Франкфуртдаги моторшоу доирасида Toyota RAV4 гибриди тақдимотини ўтказди.
Гибридли кроссовернинг Европага мўлжалланган версияси ҳам кинетик, ҳам иссиқлик энергияси рекуперацияси тизимига эга.

Унинг куч қурилмаси таркибига 2.5 л ли бензинли двигатель, электромотор, никель-металлгидридли аккумуляторлар киради. Қурилманинг умумий қуввати 197 от кучига тенг.

RAV4 8.7 секундда 100 км/соат тезликка эришади. Йўлтанламаснинг максимал тезлиги 180 км/соат. Ёқилғи сарфи – 100 км га 4.9 л.