15 сентябрь куни Зимбабвенинг 91 ёшли президенти Роберт Мугабе парламент янги сессиясининг очилишида депутатларга бир ой олдинги нутқини такроран ўқиб берди.
Маълум қилинишича, у 25 дақиқа давомида янглишганини ўзи сезмаган ҳолда эски муожаатини ўқишда давом этган.
Herald газетаси хабарига кўра, бундай бўлишига президентнинг ёрдамчилари айбдор.
Мугабенинг матбуот котиби Жорж Чарамбининг айтишича, бундан бироз ўтиб, президент янги нутқини Хараредаги меҳмонхоналардан бирида ўқиб эшиттирган.
Маълумот учун, Мугабе Зимбабвени 1980 йилдан буён бошқариб келмоқда. Унинг ҳозирги президентлик муддати 2018 йилгача давом этади.