Роналдиньо «Флуминенсе» билан шартномасини бекор қилди

Бразилиянинг «Флуминенсе» жамоаси Роналдиньо билан шартнома бекор қилингани ҳақида расман маълум қилди.

"Томонлар ўзаро келишган ҳолда ҳамкорликни тўхтатишди", деб маълум қилинади Рио-де-Жанейро жамоасининг расмий сайтида.

Эслатиб ўтамиз, 35 ёшли ҳужумчи шу йилнинг июлида «Флуминенсе» футболчисига айланган ва жамоа билан 2016 йилнинг охиригача битим тузганди.

Жорий мавсумда у 7та ўйинда майдонга тушганди.

Бироз олдинроқ, Рональдинонинг «Антальяспор» (Туркия) жамоасига ўтиши ҳақида хабарлар пайдо бўлганди.