Ўзбекистонлик таниқли спортчи, Олимпиада ўйинларида икки карра бронза медалларга сазовор бўлган Ришод Собиров “Даракчи” газетасига берган интервьюсида навбатдаги Олимпия ўйинларида олтин медални қўлга киритишга ваъда берганини тан олди.
“Мен юртбошимизга, юртдошларимга ва мухлисларимга 2012 йилги Олимпиада ўйинларидан кейин “кейинги сафар албатта олтин медаль билан қайтаман”, дея ваъда берган эдим, - деди спортчи. – Шу сабаб аввалгига қараганда машғулотларимиз жуда кучли”.
Эслатиб ўтамиз, Ришод Собиров 2016 йилда Бразилияда ўтказиладиган Олимпиада ўйинларида иштирок этиш ҳуқуқини муддатидан олдин қўлга киритди.