"Манчестер Юнайтед" жамоасининг собиқ бош мураббийи Алекс Фергюсон жамоанинг собиқ футболчиси ва ҳозирда Луи ван Гаалга ёрдамчилик қилаётган Райан Гиггз ҳақидаги фикрларини билдирди.
"Агар Гиггз ўз футболчилик фаолиятини 6 ёки 7 йил аввал тугатганида эди, у ҳозир "МЮ"ни бошқараётган бўларди. Мен ўша пайтдаёқ уни ўзимга ёрдамчи қилиб олган бўлардим ва у мендан кейин жамоада бош мураббий бўлиб қоларди.
У менга муносиб ўринбосар бўла оларди.
Лекин мен футболчилардан муддатидан олдин ўз фаолиятини тугатишини сўрамайман", дейди Фергюсон ўзи ҳақида ишланган ҳужжатли фильмда.