Land Rover компанияси Range Rover Evoque модели базаси асосида қурилган очиқ кузовли кроссовер прототипи тасвирланган видеороликни намойиш қилди. Мазкур йўлтанламаснинг жаҳон намойиши 2015 йилнинг ноябрь ойида АҚШнинг Лос-Анжелос шаҳрида ташкил этилувчи моторшоуда бўлиб ўтади.
Британ ишлаб чиқарувчисининг “ҳар фаслнинг кабриолети” деб ном олган янги маҳсулоти 500 миллиметр (ярим метр)гача кечувларга кира олади ва махсус сенсорлар ёрдамида машина атрофидаги сув чуқурлигини ўлчаб, у ҳақдаги маълумотларни мультимедиа комплекси экранига чиқарадиган Wade Sensing тизими билан таъминланади.
Evoque кабриолетига одатий кроссовер двигатели жойлаштирилади. Моделга 150 ва 180 от кучига эга Ingenium оиласига мансуб дизел ёки 240 от кучига эга бензинли двигател ўрнатилади.