Россиядаги муҳожирларнинг энг катта қисми ўзбекистонликлардир

Охирги икки йил ичида Россияга ташриф буюрган муҳожирларнинг энг катта қисми ўзбекистонликлардир. Бу ҳақда Москва инсон ҳуқуқлари бюроси ҳисоботида айтилди.

Таъкидланишича, ҳисобот даврида Ўзбекистондан Россияга 2.3 млн, Тожикистондан эса 1 млн киши ташриф буюрган. Муҳожирларнинг кўплиги айрим қийинчиликларни туғдираётгани, хусусан, уларни иш билан таъминлаш, даромадларини легаллаштириш, маҳаллий аҳоли билан келишиб яшашини таъминлаш борасида кўп иш олиб бориш талаб қилинади.