Юрген Клопп ва “Ливерпуль” клуби раҳбарияти германиялик мутахассиснинг иш шартларини муҳокама қилишда давом этишмоқда.
Bild нашрининг маълумотига кўра, 48 ёшли мутахассис агенти Марк Косичке билан иш шартларининг сўнгги масалаларини ҳал этиш ва шартнома имзолаш учун бугун Англияга боради. 9 октябрь куни эса Клопп “Ливерпуль” бош мураббийи сифатида оммага таништирилиши кутилмоқда.
Унинг йиллик маоши 10 миллион евродан иборат бўлиши айтилган.
Хабар қилинишича, “Ливерпуль” раҳбарияти Клопп Брендан Рожерснинг ёрдамчилари Шон О’Дрисколл ва Гэри Макаллистер билан ишлашини талаб қилмоқда.
Клопп эса ўз навбатида ўзининг Дортмунднинг “Боруссия” жамоасидаги ёрдамчилари Желько Бувач ва Петер Кравьец билан биргаликда ишламоқчи.
Шунингдек, Клопп унга трансфер сиёсатида мустақиллик берилса, «Ливерпуль»да ишлашга розилиги ҳақида хабар қилинганди.
Қайд этиш керакки, ушбу мутахассисда "Бавария" жамоасида ишлаш варианти ҳам бор.