Арманистон фуқаролари республика конституциясига ўзгартиришлар киритилишига ўз муносабатларини билдиришлари керак бўладиган референдум 6 декабрда ўтказилади. Бу ҳақда 8 октябрда чоп этилган Арманистон президенти Серж Саргсяннинг фармонида айтиб ўтилган.
Конституциявий ислоҳот Арманистоннинг бошқарувнинг парламент шаклига ўтишини назарда тутади.
5 октябрда Арманистон парламенти кўпчилик овоз билан референдумнинг ўтказилишига розилик берди.
Ислоҳот лойиҳасига кўра, Арманистон президенти чегараланган ваколатларга эга бўлади ҳамда умумий ва тўғридан-тўғри овоз бериш натижаларига кўра эмас, балки парламент депутатлари томонидан сайланади. Президент ваколатлари муддати ҳозирдаги 5 йил ўрнига 7 йил бўлиши ва шу билан бирга фуқаро бу лавозимни такроран эгаллаш ҳуқуқига эга бўлмаслиги назарда тутилган.
Ҳозирда Арманистонда 1995 йил 5 июлда қабул қилинган ва 2005 йил 27 ноябрда ўзгартиришлар киритилган конституция амал қилади.