Бугун, 10 октябрь куни КХДРда Меҳнат партиясининг 70 йиллиги кенг миқёсда байрам қилинди ва парад ўтказилди. Шу муносабат билан мамлакатга хорижлик журналистлар таклиф этилди.
Журналистлар эса жаҳоннинг энг ёпиқ давлатларидан бири ҳисобланган Шимолий Кореядан фоторепортажлар уюштиришга муваффақ бўлган. Журналистларга авваллари хориж фуқароларидан яширилган жойларни ҳам суратга олишга рухсат берилган.
Хусусан, Reuters агентлиги журналистлари Пхеньяндаги метро бекатлари фотосуратларини эълон қилди.
Бундан аввалроқ Шимолий Корея ҳукумати ҳукмрон партия ташкил этилганининг 70 йиллиги муносабати билан ўтказиладиган байрам тантаналарни дабдабали тарзда ўтказиш учун маблағ қидираётгани ҳақида хабарлар тарқатилганди.
Хабарларда мамлакат ҳукумати аҳолига мурожаат қилиб, байрамни ташкил этиш учун кўпроқ пул хайрия қилишга чақиргани айтилганди.
