Доимий равишда ақлий меҳнат билан шуғулланадиган киши учун фикрлаш тезлиги ҳар доим ҳам юқори даражада бўлавермайди.
Машҳур Стив Жобс мияни чархлаш учун ўзига хос машқлар билан шуғулланган. У ўз биографи Уолтер Айзексонга медитациянинг самараси ҳақида ёзиб, унинг мия учун нақадар фойдали эканлигини таъкидлаган.
Айзексон Стив Жобс шуғулланган машқлар ҳақида шундай маълумот беради.
1-машқ
Оёқларингизни чалиштириб, ҳеч ким халал бермайдиган тинч жойда ўтиринг. Чуқур нафас олинг.
2-машқ
Кўзларингизни юминг ва миянгизда чарх ураётган фикрларга қулоқ солинг: иш, уй, телевизор... Булар миянгиздаги «саркаш онг»га тегишли бемаъни фикрлар. Уларни тўхтатишга уринманг. Шунчаки онгингиз у фикрдан бу фикрга ўтишини кузатинг. Бу машқни кунига 5 дақиқадан бир ҳафта давомида бажаринг.
3-машқ
Фикрлар айланишини тўхтатмаган ҳолда диққатингизни «иродавий онг»га қаратинг. «Иродавий онг» ҳеч нарсага баҳо бермайди, маъно изламайди, у шунчаки кўради, эшитади ва ҳис қилади. Аксарият кишилар бу онгнинг мавжудлигини билишмайди ҳам.
4-машқ
Ўз «иродавий онг»ингизни англай бошлагач, мунтазам равишда «саркаш онг»ни тўхтатишга ўтинг.
5-машқ
«Саркаш онг»ни тинчлантиргач, эътиборингизни «иродавий онг»га қаратинг. Сиз ҳавонинг баданингизга тегишини ҳис қила бошлайсиз. Танангизда оқаётган қонни ҳис қиласиз. Кўзларингизни очганингизда дунё сизга бошқача, янгидек кўринади.
6-машқ
Бу ҳолатга эришиш учун вақт талаб қилинади. Медитация жараёни давомийлигини доимий равишда узайтириб боринг.
Доимий равишда медитация билан шуғулланиш қуйидаги омилларга сабабчи бўлади:
1. Стресс – зўриқишдан қутуласиз. Оғир вазиятларда ҳам хавотирга тушмайсиз.
2. Уйқусизликни унутасиз.
3. Тиниқроқ фикрлай бошлайсиз ва ҳаётингиздаги воқеаларни тўғри баҳолай оласиз.
Д.Асқаров
Манба: xabardor.uz