Финляндияда осмондан қулаган 2 кг вазнли балиқ томни тешиб, уйга тушди

Финляндиянинг Састамала шаҳрида осмондан тушган икки килограммли лешч балиғи хонадон томини тешиб юборди.

Састамаладаги уйида дам олиш кунларини ўтказган эркак хонадони томини тешиб, осмондан каттагина балиқ тушгани, уни синчиклаб кўздан кечирганида тахминан икки килограмм чиқадиган лешч эканлигига гувоҳ бўлганини айтиб берган.

Мутахассисларнинг фикрича, балиқни ўлжани тутиб туролмаган балиқхўр йиртқич қуш тушириб юборган бўлиши мумкин.

Лекин, одатда уларнинг ўлжаси бир килограммдан ошмаслиги қайд этиб ўтилган.