Анқарада 10 октябрда уюштирилган теракт билан боғлиқ ҳолда Истанбулда 18 октябрда ўтказилган рейдда Ўзбекистон ва Тожикистондан 24 нафар балоғатга етмаган бола ИШИД жангарилигига тайёрланган марказ йўқ қилинди. “Vatan” нашрининг ёзишича, болалар радикал исломчилик ва ИШИДдаги турмуш тарзига ўргатилган. Марказда, шунингдек, жанговор машғулотлар ўтказилган.
Туркиянинг Hurriyet нашрининг маълум қилишича, марказ Истанбулнинг Осиё қисмида жойлашган Пендик туманидаги турар-жой уйларининг ертўласида жойлашган бўлган.
Операция давомида жами 53 нафар ўзбекистонлик ва тожикистонлик фуқаро қўлга олинди, улардан 29 нафар катта ёшдагилар аксилтеррорчилик идорасига етказилган, 18 ёшгача бўлган 24 нафар ўсмир полициянинг балоғатга етмаганлар ишлари бўйича бўлимига жойлаштирилган.
Турк полициясининг маълумотларига кўра, марказда тайёргарликдан ўтган гуруҳ Сурия ва Ироқда ИШИД сафига қўшилиши керак бўлган.