АҚШда туғилган 6 ойлик Бонсай лақабли ит интернет юлдузига айланди. The Daily Telegraph нашрининг ёзишича, у умуртқа поғонасининг ярми билан туғилган.
Айтилишича, итнинг Facebook ва Instagram’даги фото ва видеоларини жонивор истиқомат қилаётган бошпана ходимлари жойлаштирмоқда.
Охирги ойларда у шу қадар машҳур бўлиб кетганки, муассаса ишчилари унинг тасвири туширилган майкалар ва жеваклар сота бошлашган.
Бонсай сакрал агенезия (дум регрессияси синдроми) номли камёб хасталик билан туғилган. Унинг тос суяги ишламайди, ўсмай қолган орқа оёқларни эса шу йилнинг июнида ампутация қилишга тўғри келди.