АҚШ ҳарбийлари кўп сатҳли ракеталарга қарши мудофаа тизими синовларини якунлади, деб хабар бермоқда Reuters агентлиги.
Синовлар Тинч океанидаги Уэйк ороли яқинида ўтказилди. Унда ракеталарга қарши мудофаага масъул бир қанча ташкилотлар иштирок этди.
Айтилишича, синовлар чоғида Aegis ва THAAD тизимларининг баллистик ва қанотли ракеталарни таниб, йўқ қилиш имкониятлари аниқланган.
Хабарномада таъкидланишича, THAAD яқин масофани урувчи ракетани аниқлаб, йўқ қила олган; бундан ташқари, John Paul Jones эскадрилья мина ташувчиси билан биргаликда у ўрта масофани урувчи ракетани ҳам аниқлашга муваффақ бўлган.
Аммо тизимнинг ўзидан учирилган ракета техник нуқсон туфайли нишонга етиб бормаган. Бунинг сабаблари ўрганилмоқда.
Тизимни қўллаб-қувватлаш альянси асосчиси Рики Эллисон АҚШ биринчи марта кўп сатҳли мудофаа самарадорлигини исботлаб берганлигини алоҳида қайд қилиб ўтди.