Айни кунларда Сурия ва Ироқнинг бир қисмини эгаллаб олган ИШИД жангарилари сафларида 25-30 минг нафар хорижлик бор. Бу ҳақда 4 ноябрь куни АСЕАН давлатлари мудофаа вазирлари кенгашида Россия ҳарбий идораси раҳбари ўринбосари Анатолий Антонов баёнот берди.
“Агар улар уйларига қайтса, бизнинг мамлакатларимизда радикал ғояларни тарғиб қилишади ва диверсиялар ташкилотчиларига айланишлари мумкин”, - унинг сўзларини келтиради РИА Новости агентлиги.
Шу боис, Антоновнинг фикрича, бу жангариларнинг уйларига қайтмаслигини таъминлаш биринчи даражали масаладир.