Санкт-Петербургнинг "Зенит" жамоаси ЕЧЛнинг 4-туридаги "Лион"га қарши учрашувни ўтказиш учун Францияга келишганида ғалати воқеага дуч келишди.
Мезбон жамоа томонидан "Зенит" учун ажратилган кийим алмаштириш хонасига 1 қути лимон ва ичимлик сувлари қолдириб кетилган.
"Французлар меҳмондўстликни ўрнига қўйишибди ва кийим алмаштириш бўлмасига 1 қути лимон қўйиб кетишибди. Сабаби нима экан? Вариантлар борми?", дея хабар қолдирилади жамоанинг расмий твиттери орқали.
Жамоанинг мухлислари бу ҳодисага турлича муносабатлар билдиришган.
Кимдир "Балки "Лион"га қарши эмас, "Лимон"га қарши ўйнарсиз?" дея ҳазиломуз фикр ёзган, кимдир эса лимон шарбати қон босимини туширишига эътибор қаратган.
"Балки улар, "Зенит" ғалаба мазасидан кўпроқ роҳатланмаслиги учун шундай қилишгандир", дея оптимистик фикр беради яна бир мухлис.