Шайхонтоҳурда телефон ўғирлаш билан шуғулланган ўсмирлар қўлга олинди. Бу ҳақда “Постда” газетаси хабар бермоқда.
Айтилишича, гуруҳ аъзоси бўлган Малик исмли боланинг оиласи нотинч бўлган. Доимо пулга муҳтож бўлгани боис у 17 ёшли дўсти Шаҳзодга мурожаат қилган. Шунда улар келишиб, кўчада телефон ўғирлаш билан шуғулланишга келишиб олишган. Аммо ўсмирлар дастлабки жиноятни содир этиш чоғидаёқ қўлга олинган.
Бир куни соат 17:30да улар 15 ёшли Илҳом исмли болани учратиб қолиб, ундан қўнғироқ қилиб олиш учун телефон сўрашган. Сўнг турли йўллар билан телефон эгасининг кўзини шамғалат қилиб, қочиб қолишган. Алдовни пайқаган Илҳом шу ердан ўтиб кетаётган патруль машинасини тўхтатган ва бўлган воқеани айтиб берган.
Кўрилган чора-тадбирлар натижасида жиноятчилар шу ернинг ўзидаёқ қўлга олинган.