Ҳурматли ўқувчилар, тугаётган ҳафтада (2-8 ноябрь) рўй берган энг қизиқарли янгиликларни такроран ҳавола этамиз.
Гавайилик 10 ёшли бола акула ҳамласидан омон қолди>>
Гавайи ороллари ҳудудида яшовчи 10 яшар Рэймонд Сэненси йиртқич акуланинг ҳужумидан қутулиб қолиб, қирғоққа чиқиб олишга муваффақ бўлган. Бу ҳақда Metro нашри хабар тарқатди.
Лондонни рекорд даражадаги қалин туман қоплади>>
Буюк Британия пойтахти Лондон шаҳридаги аэропортларда рекорд даражадаги туман тушиши туфайли бир неча юзлаб рейслар бекор қилинди. Бу ҳақда The Independent нашри хабар берди.
Британиялик қассоб дунёдаги энг қиммат колбаса маҳсулотини тайёрлаганини маълум қилди>>
Британиялик қассоб Кевин Тернер дунёдаги энг қиммат колбаса маҳсулот турини (сосиска) тайёрлаганини маълум қилди.
Қозоғистонда инсультга учраган ҳомиладор аёлни сақлаб қолишди>>
Қозоғистоннинг Актобе вилояти, Темир туманида яшовчи 26 ёшли ҳомиладор аёлни инсульт бўлгач, қутқариб қолинди. Айни дамда она ва боланинг ҳаёти хавфдан холи.
Олтойда энг кичкина чучвара тугилди>>
Олтой ўлкасининг Бийск шаҳрида оғирлиги 0,0016 грамм келадиган чучвара тугилди, деб хабар бермоқда шаҳар маъмурияти.
Катта ёшли бразилияликларнинг ярмидан кўпроғи қўшиб-айириш амалларини билмаслиги маълум бўлди>>
25 ёшдан ошган бразилияликларнинг ярмидан кўпроғи энг оддий математик амалларни бажаришда қийинчиликларга дуч келади. Бу ҳақда 1 ноябрь куни Риу-Гранди-ду-Сул федерал университети (UFRGS) ўқитувчилари раҳбарлиги остида ўтказилган тадқиқот хулосасида гап кетади.
Австралияда рицарлик институти тугатилди>>
Австралия бош вазири Малколм Тёрнбулл мамлакатда рицарлик институтининг тугатилганини маълум қилди. Илгари бундай унвон мамлакат олдида алоҳида хизмат кўрсатган фуқароларга тақдим этилар эди.
Бразилияда хонаки ит кўчага ташлаб кетилган чақалоқни қутқариб қолди>>
Ижтимоий тармоқларда янги туғилган чақалоқни ўз хўжайинига олиб келаётган хонаки ит суратлари тарқалди.
Тожикистонлик муҳожир москвалик қизда инсонийликка бўлган ишончни орттирди>>
Москва шаҳрида ишлайдиган тожикистонлик йигит Шафеъзода москвалик аёлга ҳамёни йўқолгани ҳақида хабар қилишнинг ўзига хос йўлини ўйлаб топди.
Sprint оператори 2,5 млрд доллар тежаш мақсадида ўз ходимларини бепул сув ва йогуртдан маҳрум қилди>>
АҚШнинг Sprint телекоммуникацион компанияси харажатларни қисқартириш ва 2,5 млрд доллар тежаш мақсадида ўз ходимларини бепул сув, снэк ва йогуртдан маҳрум қилди. Компания бош директори Марсело Клауренинг ўз ходимларига бу ҳақдаги мурожаати Wall Street Journal нашри ихтиёрига келиб тушди.
HSBC банкининг даромади таҳлилчиларни ҳайратда қолдирди>>
Европанинг энг йирик банки бўлмиш HSBC учинчи чорак якунларига кўра даромаднинг сезиларли даражада ўсганини хабар қилди. Bloomberg агентлигининг маълум қилишича, бу судгача бўлган жарима ва келишувларга ажратиладиган харажатларнинг қисқартирилиши билан боғлиқдир. Бундан ташқари, операцион харажатлар ҳам қисқарган.
Дима Билан ҳарбий драмада бош роль ижрочиси сифатида суратга тушди>>
Россиялик хонанда Дима Билан бош роллардан бирини ижро этган «Қаҳрамон фильми»нинг трейлери интернетда пайдо бўлди.
Болливуд юлдузи Шоҳрух Хон ўзининг 50 йиллик юбилейини нишонламоқда>>
Юртдошлари уни “Болливуд қироли” деб аташади, бироқ унинг биринчи тахаллуси кинематография билан боғлиқ бўлмаган.
Хоразмда 3D форматдаги кинотеатр очилади>>
Хоразм вилоятида ҳудуднинг тур-маршрутлари ва хизматларини такомиллаштириш бўйича 45 лойиҳа амалга оширилиши белгиланган. 29 та лойиҳа амалга оширилди, 8 та лойиҳада ишлар давом этмоқда.
Қозоғистоннинг НТК телеканали турк ва ҳинд сериалларига “дам” бермоқчи>>
Қозоғистондаги НТК телеканали янги 2015-2016 телевизон мавсумида ўзи суратга олган бирваракайига олтита кўп серияли картиналарни эфирга узатиб, ҳинд ва турк сериалларини “четга суриб” қўймоқчи.
Анжелина Жоли ва Брэд Питт биргаликда интервью беришди>>
Голливуднинг юлдузли жуфтлиги Анжелина Жоли ва Брэд Питт биргаликда интервью беришди. Жуфтлик Том Брокау кўрсатувига таклиф қилиндилар ва ўзлари бирга суратга тушган “Мовий соҳил” фильми, ўзаро муносабатлари ҳақида гапириб бердилар ва оилаларидаги баъзи муаммолар ҳақидаги миш-мишларга изоҳ бериб ўтдилар.
«007: Спектр» фильми Буюк Британияда рекорд даражада маблағ йиғди>>
Бонд саргузаштлари ҳақидаги фильмларнинг 24-қисми, «007: Спектр» фильми Буюк Британия кинопрокатида намойишларнинг илк ҳафтасидаёқ 80,4 млн доллар жамғарди ва Буюк Британия рекордини ўрнатди.
Актёр Жорж Клуни ўзининг рафиқаси Амал Аламуддинга тўйларининг бир йиллиги муносабати билан ресторан совға қилди>>
Таниқли америкалик актёр Жорж Клуни ўзининг рафиқаси, келиб чиқиши ливанлик бўлган адвокат Амал Аламуддинга тўйларининг бир йиллиги муносабати билан ресторан совға қилди. Клуни ва Аламуддин ўтган йилнинг сентябрь ойида Венеция мэриясида никоҳларини қайд қилишган эди.
Kia Optima седани кабриолетга айлантирилади>>
Kia компанияси 3 ноябрда очиладиган SEMA 2015 тюнинг-шоуси учун A1A деб номланган навбатдаги лойиҳасини намойиш қилди. У ўзидан охирги авлоддаги Kia Optima седанининг усти очиқ, яъни кабриолет версиясини акс эттиради.
Youtube портали Subaru пойга автомобилидан ён атрофга қараш имкониятини берувчи видеоролик жойлаштирди>>
Порталда Subaru пойга автомобилидан ён атрофга қараш имкониятини берувчи видеоролик жойлаштирди. Роликдаги тасвирни сичқонча кўрсаткичи билан ушлаб, 360 градусга буриш мумкин.
Эстониялик дарвозабон фаолиятидаги сўнгги учрашувда қизил карточка олди>>
Эстония чемпионати вакили "Левадия" жамоаси дарвозабони Сергей Парейко "Флора" жамоасига қарши "Таллин дербиси" учрашувида қизил карточка олиб, майдонни жамоадошларидан анча олдин тарк этди.
Криштиану Роналду: Балки сиз учун Месси энг зўридир, лекин мен учун ўзим яхшироқман>>
"Реал" жамоаси ҳужумчиси Криштиану Роналду "Барселона" вакили Лионель Месси билан рақобат борасидаги фикрларини билдириб ўтди.
Ерда магнит бўрони бошланди>>
29 октябрь куни Қуёшда йирик портлаш содир бўлганидан сўнг 3 ноябрь куни Ерда магнит бўрони бошланди.
Бангкок осмонидан метеорит учиб ўтди>>
Таиланд пойтахти Бангкок устидан йирик ёруғлик таратувчи метеорит учиб ўтди. Гувоҳлар шаҳар осмонини ёритган осмон жисмининг парвозини авторегистраторлар ёрдамида олинган видео тасвирларни интернетга жойлаштиришди.
Муслима Австралияда “Йил Аёли” бўлди>>
Австралияда ўтказилган Telstra NSW-2015 мукофотининг “Йилнинг тадбиркор аёли” йўналишида муҳандис-конструктор, маданият бўйича маслахатчи ва Қироллик Австралия денгиз флоти бизнес-лидери, капитан Мона Шинди (Mona Shindy) энг яхши деб топилди.
Япония Тожикистон ва Афғонистонда чигирткаларга қарши курашади>>
Япония Тожикистон, Афғонистон ва Қирғизистонда чигирткаларга қарши кураш лойиҳасига 5 млн доллар ажратади. Лойиҳа уч йилга мўлжалланган бўлиб, ўтган йили “Марказий Осиё Япония” диалоги доирасидаги ТИВлар учрашувида Тожикистон ташаббуси билан имзоланган эди.
АҚШда 2 ўсмир 100та гамбургер сотиб олиб, уйсизларга тарқатишди>>
Америкалик икки йигит уйсиз камбағалларнинг қорнини тўйғазиш ва уларнинг аҳволи ҳақида жамоатчиликка етказиш мақсадида хайрия тадбири ўтказишди. Уларнинг бу ҳаракатлари видеотасвирга олинган ва бу тасвир интернетга жойлаштирилган.
Руҳий носоғлом хитойлик ўз пулларини йиртиб ташлади>>
Хитойнинг Сичуань вилояти, Эмэйшань шаҳридаги 70 ёшли Ло 47600 юанни йиртиб ташлади. Бу унинг носоғлом руҳий ҳолати боис содир бўлди. Ло ўзига келгач, қилган ишидан афсусланиб, қайғуга ботиб қолган. Унинг оила аъзолари унга ёрдам беришга аҳд қилишди.
Америкаликлар худога камроқ ишонмоқда>>
АҚШ аҳолиси бирор-бир динга камроқ эътиқод қила бошлади, дея хабар тарқатди Reuters агентлиги Pew Research Center изланишлари натижаларига асосланиб.
Аризоналик эркак набираси қўлига тўппонча бериб, унинг якка ўзини чўлда қолдириб кетди>>
АҚШнинг Аризона штатида яшовчи эркак ўзининг беш ёшли қиз набирасининг қўлига қурол бериб, ёлғиз ўзини чўлда қолдириб кетгани ҳуқуқ-тартибот идораси ходимларининг диққат марказига тушди. Reuters берган хабарга кўра 53 ёшли эркак ўз набирасини “қалин-қаттиққа” ўргатмоқчи бўлган.
Геленжикда тез ёрдам машинасига ҳужум қилган Rolls-Royce эгаси жабрланувчи деб топилди>>
Геленжикда тез ёрдам бригадаси ходимлари билан муштлашган Rolls-Royce эгаси Жўмарт Каменов жабрланувчи деб топилди. Бу ҳақда “Югополис” нашри хабар бермоқда.
Америкалик спортчи сакраш вақтида ўз парашютини ёқиб юборди>>
АҚШлик парашютдан сакраш бўйича инструктор Брианна Томпсон барчани эътиборини ўзи томонидан амалга оширилган трюкка қаратди.
Бразилияда ҳовлида заҳарли илонни тутиб олган гўдак уни тишлаб ўлдирди>>
Бразилиянинг Мостардас шаҳрида 17 ойлик Лоренцо ўзи яшайдиган уйнинг орқа ҳовлисида тутиб олган заҳарли илонни тишлаб, ўлдирди, дея ёзмоқда Latin American Herald Tribune нашри.
Британияда Subway ресторани ходимаси музлатгичда бир кечага қамалиб қолди>>
Буюк Британиядаги Subway ресторанлар тармоғининг Глостер шаҳридаги шохобчасида ишлайдиган Карли исмли қиз ресторандаги музлатгичда 8 соатга яқин вақт ўтказди, деб хабар бермоқда The Independent нашри.
Муниса Ризаева яна бир маротаба танқидчиларни “Худога солди”>>
Охирги пайтларда ижтимоий тармоқларда ва матбуотда кўплаб муҳокамага сабаб бўлаётган хонанда Муниса Ризаева 19-21 октябрь кунлари “Истиқлол” санъат саройида ўтказган концерт дастуридан сўнг яна бир бора интернет қаҳрамонига айланди.
Ўзбекистонликлар "Ўзбекистоннинг етти мўъжизаси"ни аниқлашади>>
"Ўзбекистоннинг етти мўъжизаси"ни аниқлаш учун ташкил қилинган акциянинг финал босқичи бошланди. Ушбу акция орқали Ўзбекистоннинг энг машҳур тарихий ва сайёҳлик объектларига овоз берлиб, 7та ғолиб сараланади. Бу ҳақда ZiyoNET портали маълум қилган.
“Шум бола” фильми бюджети қандай тежалгани айтилди>>
“Оила даврасида” газетаси Ўзбекистон кинематографининг мумтоз картиналаридан бирига айланган “Шум бола” фильмига оид бир қанча қизиқарли тафсилотлар ҳақида ёзиб чиқди. Илгари уларнинг айримлари кенг жамоатчиликка яхши таниш эмас эди.
Amazon ўзининг илк офлайн китоб дўконини очди>>
1995 йилдан бери китоблар сотишни бошлаган Amazon онлайн-дўкони 20 йил ўтиб, офлайн кўринишда ҳам иш бошлади.
Candy Crush Saga ўйинини ишлаб чиққан компания 5,9 млрд долларга сотилди>>
Activision Blizzard нашриёти King Digital Entertainment — машҳур Candy Crush Saga ўйинини яратган компанияни сотиб олди. Бу ҳақда Reuters хабар қилди.
Google кўчадаги билбордларда “ақлли” рекламани ишга туширди>>
Google компанияси Лондоннинг кўча билбордларида (кўча рекламаси учун мўлжалланган мосламалар) DoubleClick релевант реклама технологияларини синовдан ўтказишни бошлади, хеб хабар бермоқда Business Insider нашри.
Google ўзининг “ақлли” автомобилларини йўлларда болаларни танишга ўргатмоқда>>
Google компанияси ўзининг автопилотга эга автомобилларини йўлларда болаларни танишга ўргатмоқда. Бу ҳақда компаниянинг расмий блогида маълум қилинди.
Мельбурн ҳайвонот боғига кирган ёввойи тулки 14 пингвинни бўғиб ўлдирди>>
3 ноябрга ўтра кечаси Австралиянинг Мельбурн шаҳридаги ҳайвонот боғига кирган ёввойи тулки 14та кичик пингвинни бўғиб ўлдирди. Бу ҳақда муассаса раҳбарияти маълум қилди.
Дронлар 50 км/соат тезликда тўсиқларни четлаб ўтишни ўрганди>>
Массачусетс технологик университети ахборот технологиялари ва сунъий интеллект лабораторияси тадқиқотчилари дронларга 50 км/соат тезликда тўсиқларни четлаб ўтиш имконини берувчи тизимни яратишди. Бу ҳақда лаборатория сайтида хабар қилинди.
Walmart савдо тармоғининг собиқ раҳбари ўзи бошқарган самолётни парашют ёрдамида йўлга қўндиришга муваффақ бўлди>>
АҚШнинг Арканзас штатида самолёт учувчиси парашютдан фойдаланган ҳолда ўзи бошқараётган самолётни автомобиль йўлига шошилинч тарзда қўндиришга мажбур бўлган.
Тошкентда енгил автомашина ўрага тушиб кетди>>
Бугун, 4 ноябрь куни, Тошкентда мудофаа вазирлиги ҳарбий госпитали яқинида енгил автомашина ўрага тушиб кетди.
Emirates самолётларига йиртқич жониворлар тасвирлари туширилди>>
Дубайнинг Emirates Airline компаниясига тегишли икки йирик Airbus A380 самолётларининг ташқи юзасига United World Wildlife хайрия акцияси доирасида йиртқич жониворлар тасвирлари туширилди. Бу ҳақда Emirates 24/7 портали хабар берди.
Австралиялик автосаёҳатчилар Тошкентга ташриф буюришди>>
Австралиялик автосаёҳатчилар Тошкентга етиб келишди. Бу ҳақда ижтимоий тармоқлар орқали хабар қилинди.
Америкалик ошиқ йигит севгилисига ўз тиши ўрнатилган никоҳ узуги совға қилди>>
АҚШнинг Калифорния штатида истиқомат қилувчи Лукас Унгер ўзининг севгилиси Карли Лейфкеснинг қўлини сўрашнинг ажойиб йўлини ўйлаб топди. Ошиқ қизга тош ўрнига ўзининг тиши ўрнатилган никоҳ узуги совға қилди.
Қозоғистонлик 8 ёшли боксчи қиз 1 дақиқада 100та зарба беришга улгурмоқда>>
Қозоғистоннинг Павлодар шаҳрида яшовчи Эвника Садвакасова ўзининг спортдаги иқтидори билан интернет фойдаланувчиларининг эътиборини жалб қилишда давом этмоқда, деб ёзади «Экспресс К».
АҚШда совуқ билан даволанадиган салонда бир қиз совуқ қотишдан оламдан ўтди>>
АҚШда совуқлик муолажаларига мўлжалланган салонлардан бирининг ходимаси кабиналардан бирида оламдан ўтди.
Мусулмон регбичи ўз медалини мухлисига совға қилди>>
Хабарингиз бўлса, регби бўйича Янги Зеландия терма жамоаси жаҳон чемпиони бўлди. Ана шу куни, яъни Австралия ва Янги Зеландия ўртасидаги финал ўйинига аталган маросимнинг тугаши билан 14 ёшли Чарли Лайнс (Charlie Lines) майдонга тушиб келади. Мақсад янги Зеландия терма жамоаси юлдузи, ўз мамлакатининг қаҳрамони, All Black жамоаси ўйинчиси, машҳур мусулмон спортчи Сонни Билл Уильямс (Sonny Bill Williams)ни ғалаба билан қутлаш бўлган.
Мисрда ҳалокатга учраган А321 авиалайнерининг командири аслан ўзбекистонлик бўлиб чиқди>>
“Российская газета” нашрининг хабар қилишича, Мисрда ҳалокатга учраган А321 авиалайнерининг командири Валерий Немов 1967 йилда Тошкентда туғилган.
«Китоб олами» дўкони ҳақида 10 маълумот (фоторепортаж)>>
Хабарингиз бўлса керак, яқиндагина пойтахтимизда китобсеварлар учун янги маскан ишга туширилган эди. Kun.uz сайти тахририяти мутолаа ишқибозларини мазкур мажмуа фаолияти билан яқиндан таништириш мақсадида фоторепортаж уюштирди.
Уолт Диснейнинг шу вақтгача йўқолган деб ҳисоблаб келинган илк мультфильми топилди>>
Шу кунгача йўқолиб кетган деб ҳисобланадиган, Уолт Дисней томонидан бундан 87 йил муқаддам суратга олинган мультфильм Британия кино институти архивидан топилди.
Жасур Умиров ўз клипида Анвар Санаевни доғда қолдириб кетди>>
Хонанда Жасур Умировнинг “Кабутарим” номли янги қўшиғига ишланган видеоклипдан унинг цехдоши Анвар Санаевнинг мухлисларига ёқмайдиган саҳна ўрин олди: Санаев клип суратга олаётган чоғда тўсатдан Умировни кўриб қолган клипмейкер унинг ортидан югуриб кетиб қолади, Анвар Санаев эса ҳайрон бўлиб қолаверади.
Gmail дастури сунъий интеллект ёрдамида мустақил равишда мактубларга жавоб бера бошлади>>
Gmail мобиль дастури мобиль қурилмадан мактубга йўл-йўлакай тез жавоб беришнинг учта қисқа вариантини таклиф қилувчи Smart Reply функциясини олади, деб хабар берилмоқда Google’нинг расмий тадқиқотлар блогида.
"Лион" "Зенит"нинг кийим алмаштириш хонасида 1 қути лимон қолдирди>>
Санкт-Петербургнинг "Зенит" жамоаси ЕЧЛнинг 4-туридаги "Лион"га қарши учрашувни ўтказиш учун Францияга келишганида ғалати воқеага дуч келишди.
Японияда дори воситалари дронлар орқали етказиб берилиши йўлга қўйилади>>
Японияда 2018 йилдан бошлаб дори воситаларини учувчисиз дронлар орқали етказиб бериш масаласи кўриб чиқилмоқда, дея хабар беради Nikkei.
NASA Марсга учишни истовчилардан ҳужжат қабул қилишни бошлайди>>
NASA Марсга парвозни амалга оширишга тайёргарлик миссияси доирасида “қизил сайёра”га учишни истовчилардан ариза қабул қилиш санасига ойдинлик киритди. Анкеталар жорий йилнинг 14 декабридан 2016 йилнинг февраль ойи ўрталарига қадар давом этади.
АҚШда 86 ёшли кекса аёл ўзини ўғирлаб кетган уч ўсмирнинг қўлидан қутула олди>>
АҚШнинг Вашингтон штатида қотиллик амалга ошириш мақсадида одам ўғирлаш айби билан уч ўсмир ҳибсга олинди. Ўсмирлар Кеневик шаҳрида Хезел Абель исмли 86 ёшли кампирни ўз уйидан ўғирлаб, аёлни ўз автомобили юкхонасида Орегон штатига олиб кетишган.
Ўзини итга ўхшатган бузоқча ижтимоий тармоқлар “юлдузи”га айланди>>
Ўзини ит деб тасаввур этувчи бузоқча Голиаф ижтимоий тармоқларнинг қаҳрамонига айланди, деб хабар бермоқда CountryLiving.com. Унинг эгаси Шейли Хаббс деган аёл. Бузоқча бир кунлигида аёл уни топиб олган.
Навоий вилоятида бир оилада тўрт қизалоқ туғилди>>
Яқинда Фарғона вилоятида бир йўла тўрт эгизак туғилгани ҳақида хабар берилган эди. Худди шундай қувончли воқеа Навоий вилоят перинатал марказида ҳам рўй берди.
Реактив ранецларга эга пилотлар A380 самолёти ёнидан учиб ўтишди>>
Швейцариялик учувчи Ив Росси ва унинг шогирди, парашютчи Винс Реффет қанот шаклидаги реактив ранец таққан ҳолда Airbus A380 йўловчи самолёти яқинидан учиб ўтишди.
Америка полицияси 13 йил олдин йўқолган болани топди>>
Америка полицияси 13 йил аввал йўқолган болани топди. CNN телеканали маълумотига кўра, болакай ўз отаси томонидан ўғирланган.
Facebook фойдаланувчилари сони 1,5 миллиард нафардан ошди>>
2015 йилнинг учинчи чорагида Facebook ижтимоий тармоғидаги аккаунтлар сони 60 миллионтага ошди. 30 октябрь ҳолатига кўра, дунё миқёсида 1,55 миллиард фойдаланувчи мазкур ижтимоий тармоқда ўз саҳифасини очган, дея хабар бермоқда ВВС телеканали 5 ноябрь куни компания маълумотига асосланган ҳолда. Мазкур кўрсаткич ҳар ойда ошиб бормоқда.
Теннисчи Серена Уильямс телефонини ўғирлаган ўғрини тутиб олди>>
Аёллар тенниси ассоциацияси рўйхатида биринчи ўринда қайд этилган Серена Уильямс телефонини ўғирлаб кетган ўғрини ушлашга муваффақ бўлди. Бу ҳақда 34 ёшли америкалик спортчи ўз Instagram саҳифасида хабар берган.
АҚШда Линкольннинг қўлёзмалари ким ошди савдоси орқали 2,2 млн долларга сотилди>>
АҚШнинг 16-президенти Авраам Линкольнга тегишли бўлган қўлёзмалар Нью-Йоркда ким ошди савдосига қўйилди ва 2,213 млн долларга сотилди. Бу ҳақда Heritage Auctions савдолар уйига асосланиб, РИА Новости хабар берган.
Окленд аэропортида хака рақси. Янги зеландиялик регбичилар шундай кутиб олинди>>
Регби бўйича амалдаги жаҳон чемпиони Янги Зеландия терма жамоаси Окленд халқаро аэропортида кенг спорт жамоатчилиги томонидан тантанали равишда кутиб олинди.
Хитойда Apple ҳимоясини бузиб, iPhone 6'га қўшимча хотира ўрнатиш хизмати йўлга қўйилди>>
Хитойдаги бир нечта дўконлар қўшимча тўлов эвазига iPhone 6 фойдаланувчиларига уларнинг смартфонлари хотирасини кенгайтириб беришни таклиф қилмоқда, деб ёзмоқда SlashGear.
Иркутск мэри маҳаллий амалдорлар қўлига белкурак бериб, қор курашга сафарбар қилди>>
Коммунал хизматлар фаолиятидан қониқмаган Иркутск шаҳри (Россия) мэри Дмитрий Бердников уй-жой ва коммунал хизматлар учун жавобгар амалдорларни қор курашга сафарбар қилди, дея хабар бермоқда FlashSiberia манбаси шаҳар мэрияси маълумотига асосланган ҳолда.
Ҳиндистон полиция лабрадор итини мукофотлашни режалаштиряпти>>
Ҳиндистон ҳукумати портловчи қурилмани ўта тезликда топиб, махсус хизмат ходимларида улкан таассурот қолдирган етти ёшли полиция хизматидаги итни тақдирлашни режалаштиряпти. ОАВнинг маълум қилишича, гап лабрадор зотли, Рекс лақабли ит хусусида бормоқда. У Ҳинди