АҚШ қирғоқ қоровули хизмати самолёти тегишли рухсатга эга бўлмай туриб Венесуэла ҳаво ҳудудига кирди. Бу ҳақда мамлакат мудофаа вазири Владимир Падрино Лопес 8 ноябрь куни хабар берди.
Унинг сўзларига қараганда, бу авиация соҳасидаги халқаро ҳуқуқий меъёрларнинг бузилиши сифатида баҳоланмоғи керак. 2 моторли турбовинтли Bombardier Dash 8 самолёти Венесуэла кўрфазидан учиб ўтиб, Лос-Монхес ороли ҳудудида мамлакатни тарк этган.