Бугун, 15 ноябрь куни Тошкент шаҳридаги "Тановар садоси" ресторанида "Х Республика Заковат фестивали" бўлиб ўтди.
Бу йилги фестивалда жами 22та жамоа қатнашди. Улардан 9таси вилоятлардан ташриф буюрган жамоалар бўлса, 13таси Тошкент шаҳридаги жамоалар ҳисобланади.
Фестивал қоидаларига кўра, бу йил ҳам 4та турда жами 60та савол берилди. Ўйин қизғин баҳс, мунозараларга бой тарзда ўтди.
Фестивал якунидаги натижаларга кўра 3-ўринни "Хоразм" жамоаси, иккинчи ўринни "Ўзбекистон Давлат жаҳон тиллари университети" жамоаси, биринчи ўринни эса "Заковат" ўйинларида бир неча йиллик тажрибага эга бўлган "Зуҳриддин Ёвмиддинов" жамоаси қўлга киритди.
2014 йилдан ўзгартириш киритилган фестивал низомига кўра, 9та вилоят жамоалари орасидан энг яхши натижа кўрсатган "Фарғона-2" жамоаси қўшимча тарзда экран ўйинларига йўланмага эга бўлди.
Энг эътиборли тарафи шундаки, "Фарғона-2" жамоаси иштирокчилари бу йилги фестивалда дебютант бўлиб қатнашган ёши катта иштирокчилардан иборат жамоа эди. Ҳаётий тажриба ва интеллектуал ўйинларига ихлосмандлик қўлгани учун биринчи уринишдан энг яхши натижага эришилди.
Юқорида санаб ўтилган жамоалар 2016 йилда бўлиб ўтадиган "Заковат" экран ўйинларида қатнашиш ҳуқуқини қўлга киритди.
Чарос Омонова, ЎзДЖТУ талабаси