Россияга тегишли А321 самолётининг Синайда ҳалокатга учрашига сабабчи бўлган гуруҳ ИШИДдир. Бу ҳақда Буюк Британия ҳукумати тарқатган матбуот хабарномасида айтилди.
“Ҳукумат Мисрда икки ҳафта муқаддам содир бўлган Metrojet авиаҳалокатдан сўнг ўзининг авиацион хавфсизликка бўлган муносабатини ўзгартирмоқчи, чунки бу воқеа бомба портлаши оқибатида содир бўлди деб ҳисоблайди ҳамда бунда ИШИДнинг қўли борлигини тахмин қилмоқда”, - дейилади ҳужжатда.
Буюк Британия бош вазири Дэвид Кэмерон душанба куни авиахавфсизлик масалаларини Россия президенти Владимир Путин ҳамда G20нинг бошқа етакчилари билан муҳокама қилмоқчи.