Ўзбекистон миллий терма жамоаси эртага, 17 ноябрь куни Жаҳон чемпионати-2018 иккинчи саралаш босқичи 8-тур учрашувлари доирасида Яман терма жамоасига қарши майдонга чиқади.
Ўзбекистондаги кўплаб мухлисларни мазкур ўйиннинг Sport TV телеканали орқали намойиш этилиши борасидаги савол қизиқтирмоқда.
Маълум бўлишича, Яман – Ўзбекистон ўйини Sport TV телеканали орқали жонли равишда олиб кўрсатилади. Ҳозирда ушбу ўйинни тўғридан-тўғри эфирда намойиш этиш борасидаги тайёргарлик ишлари амалга оширилмоқда.
Мазкур учрашув эртага, 17 ноябрь соат 20:30да Қатар пойтахти Доҳа шаҳридаги "Grand Hamad Stadium"да бошланиши режалаштирилган.
