Беларуснинг “140-таъмир заводи” Ўзбекистонга зирҳли машиналар йиғиш, шунингдек, ҳарбий техникага хизмат кўрсатишни таклиф қилди. Бу ҳақда яқинда Тошкентга келиб кетган корхона делегацияси вакилига таянган ҳолда Sputnik агентлиги хабар қилмоқда.
Унинг сўзларига қараганда, Беларусь Ўзбекистон бозори учун бир қатор қизиқарли таклифлар тайёрлаб қўйган.
“Бизни икки йўналиш қизиқтирмоқда – жорий ҳарбий техника модернизацияси, шунингдек, бизнинг янги махсус транспорт ва зирҳли машина намуналаримизни сотиш”, - деди компания вакили.
Гап “Кайман” зирҳли машинаси ҳақида кетмоқда. У армия қўшилмалари ва махсус милиция отрядлари, шунингдек, ФВВ, ўрмончилар ва ўт ўчирувчилар сингари фуқаролик хизматлари томонидан қўлланилиши мумкин.
Бундан ташқари, Беларусь корхонаси ўзбекистонлик ҳамкорларига “Пегас” юқори эҳтиёж машиналарини таклиф қилмоқчи. Бу қурилма геологик разведкага ихтисослашган корхоналарга мўлжалланган.