Рим папаси: Худо номини қотиллик учун қўллаш куфрдир

Рим папаси Франциск Парижда содир этилган терактларни қоралади. РИА Новости агентлигининг маълум қилишича, у Худо номидан фойдаланиб қотилликка қўл урган одамларни кескин қоралаган.

“Худо номидан фойдаланиб қотилликка қўл уриш куфрдан бошқа нарса эмас”, - таъкидлади у.

“Бундай ваҳшийлик даҳшатга солади, биз инсон қалби бундай даҳшатли нарсаларни режалаштириши ва амалга ошириши мумкинлигидан ҳайратдамиз. Бу нафақат Францияни, балки бутун дунёни ларзага келтирди”, - деди у Ватикандаги Авлиё Пётр майдонида тўпланган католикларга мурожаатида.

“Яна бир бора шуни таъкидлаб ўтишимиз лозимки, зўравонлик ва ёвузлик йўли инсоният муаммоларини ҳал қилмайди”, - қўшимча қилди папа.