Роналдиньо ҳам Туркия клубида тўп суриши мумкин

Туркиянинг «Антальяспор» клуби президенти Гюльтекин Генжер жамоа Андреа Пирлодан ташқари бразилиялик Роналдиньо билан ҳам келишувга эришганини таъкидлаб ўтди.

«Биз Пирло ва унинг агенти билан музокаралар олиб бордик. У «Антальяспор» учун ўйнашга тайёр бўлиб турибди».

«Шунингдек, биз Роналдиньо ва унинг агенти билан ҳам музокараларни давом эттирмоқдамиз. У ҳам жамоамиз учун ўйнашга тайёр».

«Биз улар билан дастлабки келишувга эришдик. Молиявий кўмак топа олсак, савдо расмийлаштирилади», – дея таъкидлади Генжер.

Эслатиб ўтамиз, олдинроқ Пирлонинг агенти мижозининг турк клуби сафида 8та учрашувда иштирок этиши учун 2 миллион евро талаб қилишаётганини маълум қилганди.