ММА (аралаш жанг санъати) жангчиси америкалик Жефф Монсон Россия фуқаролигини олди. У бу ҳақда россиялик Константин Скрел билан ғалабали жангидан кейин эълон қилди.
“Раҳмат, мен россиялик бўлганимдан жуда фахрланаман. Паспорт олишимга ёрдам берган барчага миннатдорчилигимни билдирмоқчиман. Россия мадҳияси ва байроғи остида рингга тушиш менинг орзуим. Қўллаб-қувватлаганингиз учун каттакон раҳмат”, деб Монсоннинг айтган сўзларини келтириб ўтди “Р-Спорт” нашри.
Аввалроқ яна бир америкалик машҳур спортчи, боксчи Рой Жонс Россия фуқаролигини олган эди.