"Реал" ҳамда "Барселона" ўртасидаги учрашувни 600 млн мухлис томоша қилади

Испания чемпионати 12-туридан ўрин эгаллаган "Реал Мадрид" ҳамда "Барселона" ўртасидаги учрашув 170 та мамлакатда тўғридан-тўғри эфирга узатилади. 

Маълум қилинишича, учрашув аудиторияси 600 млн томошабинни ташкил қилади. 

Шуни таъкидлаш жоизки, учрашувни эфирга узатишда 37 та камерадан фойдаланилади. 

Эслатиб ўтамиз, жамоалар ўртасидаги учрашув 21 ноябрь куни Тошкент вақти билан 22:15 да "Сантьяго Бернабеу" майдонида бўлиб ўтади.