Руминия пойтахти Бухарест марказидаги машҳур тунги клублардан бирида 31 октябрга ўтар кечаси содир бўлган ёнғин натижасида қурбон бўлганлар сони 60 кишини ташкил этмоқда. Бу ҳақда Руминия ҳукумат хабар қилган.
Хабар қилинишича, 22 ноябрь куни Руминиянинг Синаи шаҳридан бўлган 19 ёшли талаба Австриянинг Айгемайнес шаҳридаги шифохонада жон берган.
Эслатиб ўтамиз, 30 октябрда бинонинг ертўласида жойлашган тунги клубда бепул рок-концерт ўтаётган бўлганида ёнғин чиққанди. Концертга 400 нафарга яқин ёшлар йиғилган. Пиротехник шоу вақтида шифтдаги пенопластдан ясалган безак элементлари ёниб кетган. Сўнгра портлаш юз берган. Гувоҳларнинг айтишича, кўпчилик саросимада ягона чиқишга отилган ва у ерда тиқилинч юз берган. Маълум қилинишича, кўпчилик нафас сиқишдан ҳалок бўлган.
Ёнғин рўй берганда воқеа жойида 26 киши ҳалок бўлганди. 150 нафардан ортиқ киши шифохоналарга етказилган. Жароҳатланганларнинг 30 нафардан ортиғи Буюк Британия, Исроил ва Нидерлендия каби мамлакатларга даволаниш учун юборилганди.
Руминияликлар бу фожиа туфайли оммавий намойишлар ўтказишган, натижада бош вазир Виктор Понт истеъфога чиққанди.