Ўзбекистонда 2015 йилнинг охиригача Ўзбекистон Фавқулодда вазиятлар вазирлиги билан ҳамкорликда зилзилалар ҳақида тезкорлик билан хабар беришга имкон берувчи ер сирти кучли ҳаракатлари станциялари тармоғи яратилади. Бу ҳақда Ўзбекистон Фанлар академияси Сейсмология институти директори Сабриддин Хусомиддинов “Халқ сўзи” газетасида чоп этилган мақоласида маълум қилди.
“Тармоқнинг жорий йилда тўлиқ жорий қилиниши ФВВнинг ҳудудий бошқармаларига кузатув пунктида ер қимирлаши пайтида унинг кучини балларда аниқлашга, бошқарув марказида эса 1-2 дақиқа ичида ҳудудлар бўйича зилзила кучи харитасини олишга имкон беради”, деб айтди Хусомиддинов.
Хусомиддиновнинг маълумотларига кўра, айни пайтда институтнинг кучли зилзилалар ҳақида тезкор хабар етказиш хизмати сейсмик кузатувлар халқаро тармоғи маълумотларидан тезкор фойдалана олади, бу сайёрамизнинг бутун ҳудудлари бўйлаб сейсмик вазиятни кузатишга имкон беради. Бу Марказий Осиёнинг турли сейсмик фаол зоналарида кучли зилзилалар ҳақида эрта хабар бериш имкониятини беради.