АҚШ президенти Барак Обама Аргентинанинг янги сайланган президенти Маурисио Макри билан телефон орқали гаплашди ва уни сайловдаги ғалаба билан табриклади. Рейтернинг Оқ уйдаги манбасига асосланиб, хабар беришича, у Аргентинанинг янги президентини яқиндан ҳамкорлик қилишга чақирган.
"Президент АҚШ ва Аргентина ўртасидаги ўзаро азалий алоқалар ўрнатилганини қайд этган ва ўз мамлакати Аргентина билан савдо ва энергетика соҳасидаги ҳамкорликларини ривожлантириб, ўзаро муносабатларини янада мустаҳкамлаш ниятида эканини билдирди", дейилади хабарда.
Бироз аввалроқ, Давлат котиби Жон Керри АҚШ Аргентинанинг янги ҳукумати билан ҳамкорликка тайёр эканини маълум қилганди.
Шунингдек, Россия президенти Владимир Путин Аргентинанинг янги президенти Маурисио Макри номига табрик телеграммаси жўнатган.