Самарқандда жиноий гуруҳ коттежлардан қурилиш материаллари ўғирлаётгани фош этилди. Бу ҳақда “Ҳуқуқ” нашри ёзмоқда.
Айтилишича, дастлаб Фазлиддин исмли шахс ўз таниши Азамат Ниёзовнинг уйида ўғриликни амалга оширган. Ниёзов янги коттеж харид қилиб, ўзи кела олмагани боис танишидан қоровуллик қилишни сўраган. Бундан фойдаланиб, Фазлиддин Абдурафиқ деган таниши билан 2.3 млн сўмлик AKFA ромларини ечиб олиб, Раббим деган шахсга сотиб юборишган. Фазлиддин коттежни қулфлаб қочиб кетган.
Кейинроқ улар Жиззахга йўл олиб, бу ерда Ғулом исмли шерик топишган ва яна 20 млн сўмлик қурилиш материалларини ўғирлашган.
Орадан бир муддат ўтиб, Азамат Ниёзовнинг аризасига мувофиқ жиноий гуруҳ қўлга олинди.