Украина президенти Пётр Порошенко иккинчи муддатга президентликка ўз номзодини қўйиши мумкинлигини айтди. У бу ҳақда Голландиянинг NRC Handelsblad нашрига берган интервьюсида маълум қилди.
“Мен президент сифатида биринчи ёки иккинчи муддатдан кейин Украина номидан Европа парламентининг аъзоси бўлишни орзу қиламан”, деб айтди Порошенко.
Порошенконинг амалдаги президентлик муддати 2019 йилда ниҳояланади, бундан кейин у яна 5 йиллик муддатга, яъни 2024 йилгача қайта сайланиш ҳуқуқига эга бўлади.