Париждаги аэропортда радикал қарашларга эга 57 киши ишдан бўшатилди

Париждаги Руасси — Шарль-де-Голль аэропорти раҳбарияти радикал қарашларга эга 57 кишини ишдан бўшатди. Бу ҳақда Руасси ва Ле-Бурже аэропортлари хавфсизлик хизматлари вакили Филипп Риффо маълумот берди.

“13 ноябрда Парижда содир этилган ҳужумлардан сўнг 5 киши ишдан бўшатилди”, - унинг сўзларини келтиради Valeurs Actuelles нашри.

Унинг сўзларига қараганда, жараён тўхтамайди: радикал қарашларга эга ходимлар бўшатилиши давом этади.

Риффонинг таъкидлашича, йил бошидан буён аэропортнинг ёпиқ зоналарига кира оладиган 86 минг киши текширувдан ўтказилган, шулардан 5 минг нафари хавфсизлик хизматлари вакилларидир.