Россия спорт вазири, Россия футбол иттифоқи президенти Виталий Мутко берган баёнотга кўра, Россия клублари қишки трансфер ойнаси чоғида туркиялик футболчиларни ўз сафларига қўшиб ололмайдилар.
Илгарироқ Россия президенти Владимир Путин иш берувчиларга 2016 йил 1 январидан Туркия фуқаролигига эга ишчиларни ёлламасликка кўрсатма берган эди.
“Ўйлайманки, кимдир қишки трансфер ойнасида туркиялик футболчини таклиф қилмоқчи бўлса, у бундай имкониятга эга бўлмайди. Олдиндан фикр билдириш керак эмас, аммо керакли ишора олдик”, - унинг сўзларини келтиради “Р-Спорт” нашри.
“Спорт вазирлиги клубларга туркиялик спортчиларни таклиф қилишдан тийилишни тавсия қиладими? Албатта. Мутлақо”, - қўшимча қилди вазир.