Коломойский: Порошенко Януковичдан ақллироқ иш тутмоқда

Украиналик олигарх Игорь Коломойский Украинанинг амалдаги президенти Пётр Порошенкони аввалги президент Виктор Януковичдан ақллироқ деб ҳисоблашини айтди, деб хабар бермоқда РИА “Новости” ахборот агентлиги.

“Петр Алексеевичнинг Виктор Федоровичдан фарқи у шунчаки билимлироқ, ақллироқ, нозикроқ”, деб айтди Коломойский.

Тадбиркорнинг фикрича, икки етакчи ҳам мамлакатда ҳокимият шаклини ўзгартира олдилар, бироқ Порошенко ақллироқ иш тутмоқда.

“Мен шуни айтмоқчиманки, Янукович парламент-президент республикаси базавий конституциясида президент бўлиб, ярим йил ичида ўзининг ваколатларини ўзгартириб, ҳокимиятнинг президент-парламент шаклини ўрнатган бўлса, унда маданиятли мамлакатда у бундай вазиятда янги ваколатлардаги президент мақомини олиш учун қайта сайловларга бориши керак эди. Петр Алексеевич нима учун нозикроқ? У бизда де-факто президент-парламент шаклини ўрнатди, ваҳоланки конституция бўйича у парламент-президент шаклида”, деб айтди Коломойский.