Олимлар фикрлаш тезлиги юқори бўлган одамлар бошқаларга нисбатан кўпроқ ёқимтой бўлишларини аниқлашди. Бу тажриба ҳақидаги батафсил маълумот Psychological Science журналида чоп этилди.
Тажрибада 417 киши иштирок этди. Олимлар синовдан ўтаётганларнинг дўстлари ва қариндошларидан уларнинг ёқимтойлиги, зийраклиги ва қувноқлиги каби сифатларига баҳо беришни сўрашди. Бундан ташқари, синалаётганлар стандарт психологик ва онгни текшириш учун тестлардан ўтишган. Шундан кейин олимлар тажриба иштирокчиларининг фикрлаш тезлигини баҳолаш учун улардан махсус билимларни талаб қилмайдиган 30 та саволга жавоб беришни, мисол учун, тезда қандайдир қимматбаҳо тош номини айтишни сўрашди.
Тажриба натижасида юқори фикрлаш тезлигига эга бўлган синалувчилар атрофдагилар учун ёқимтойроқ бўлишгани аниқланган. Тадқиқот муаллифларининг таъкидлашича, улар бу омил инсон қанчалик ёқимтой бўлишига таъсир қилишини кутишган, бироқ бу таъсир бунчалик аҳамиятли бўлади, деб ўйлашмаган.