Тошкентга лицензиясиз китоб чиқарган дизайнер ва ноширлар қўлга олинди. Бу ҳақда “Ҳуқуқ” нашри ёзмоқда.
Айтилишича, фуқаро Дилшод Иномжонов 2012 йили Kondor Print МЧЖ таъсисчисига айланган. Чилонзор туман ҳокимиятининг тадбиркорлик субъектларини рўйхатдан ўтказиш инспекциясидан рўйхатдан ўтгач, Ўзбекистон Матбуот ва ахборот агентлиги берган лицензияда “Матн териш, оригинал макет тайёрлаш, матбаа дизайни, этикетка, плакат, флайер, афиша, бюллетень, каталог, брошюра, журнал қадоқлаш қутилари, кенг форматли реклама, канцелярия ва бланк маҳсулотларини чоп этиш, муқовалаш” кабилар билан шуғулланиши мумкин эди.
Лекин у жамият директори А. Мирзааҳмедов, Xattot Press МЧЖ нашриёт уйи директори Ю. Юсупов билан шерикликда китоб чиқаришни режалаштирган. Улар 2015 йил мартига қадар лицензиясиз китоб чиқариш билан шуғулланиб келишган.
2015 йил бошидан 25 мартга қадар улар 1 156 нусхада “Легенда Самарканда” номли китобни чоп этишган. Унинг ношири сифатида аслида тугатиб юборилган Arnaprint МЧЖ босмахонасини кўрсатишган. Мақолада таъкидланишича, “бу билан китоб муаллифи Н. Якубовнинг қонун билан қўриқланадиган манфаатларига жиддий зиён етказилишига сабаб” бўлишган.
Мазкур ҳолат юзасидан текширув ўтказилиб, улар жавобгарликка тортилди.
Аниқланишича, 2012-2015 йилларда Kondor Print балансида 113.638 млн сўмлик камомад борлиги аниқланди. МЧЖ фаолият юритиб келган бинолардан балансга олинмаган, кирим, келиб чиқиш ҳужжатлари ҳамда сифат сертификатлари бўлмаган жами 54.421 млн сўмлик товар-моддий хом аёшлар мавжудлиги маълум бўлди. Суд томонидан Д. Иномжоновга тегишли жазо тайинланди.