Америкаликларнинг кўпчилик қисми АҚШ қуролли кучларининг Ироқ ва Сурияда ИШИД гуруҳига қарши ер усти операцияси ўтказишини ёқлаб чиқди. Бу ҳақда CNN телеканали ва ORC тадқиқот хизмати томонидан ўтказилган сўровнома натижаларидан маълум бўлди.
Респондентларнинг 53 фоизи ер усти операциялари ўтказилишига хайрихоҳлик билдирди. Илгари сўровномаларда иштирок этганларнинг ярмидан кўпи бундай муносабат билдирмаган эди.
Иштирокчиларнинг 68 фоизи АҚШнинг ИШИДга қарши шу пайтгача ўтказган тадбирлари етарли даражада ҳужумкор ва самарали бўлмаганини эътироф этди. Тахмин қилинишича, Сан-Бернардинодаги отишмадан сўнг одамларнинг муносабати бу қадар кескин ўзгарган.