Ўзбекистон миллий терма жамоаси ярим ҳимоячиси Сардор Рашидов Қатар чемпионатининг навбатдаги тур ўйинида ҳам ўз ҳисобига гол ёзиб қўйди.
Юлдузлар Лигасининг “Ал Жаиш” клубида фаолият олиб бораётган Рашидов 12-тур доирасидаги “Умм Салал” жамоасига қарши ўйиннинг 21-дақиқасида майдонга тушди ва 74-дақиқада ўз ҳисобига гол ёзиб қўйди. Учрашув 3:2 ҳисобида “Ал Жаиш”нинг мағлубияти билан якун топди.
Ҳозирги вақтда “Ал Жаиш” мусобақа жадвалининг иккинчи поғонасида бормоқда. Сардор Рашидов эса шу вақтга қадар 12 ўйинда майдонга тушиб, 8та гол уришга эришди.