Туркия президенти Ражаб Тойиб Эрдўғон Исроил билан муносабатларни яхшилаш имкониятлари тўғрисида маълум қилди, дея хабар бермоқда Associated Press.
Унинг қайд этишича, бундан биринчи навбатда Яқин Шарқ наф кўради. “Минтақа мазкур муносабатларнинг тикланишидан кўплаб нарсаларни қўлга киритади”, - деди президент.
Эрдўғаннинг сўзларига кўра, муносабатларнинг яхшиланиши Исроилнинг Фаластинга нисбатан кескин сиёсати юмшаган тақдирда амалга ошади.
Бундан аввалроқ эса Эрдўғон Исроилни тизимли равишда фаластинликларни геноцид қилаётганликда айблаган эди.