Сурия суверенитетини бутун дунёдан келаётган жангарилар бузмоқда. Бу ҳақда Россия ташқи ишлар вазири Сергей Лавров қатарлик ҳамкасби Холид бин Муҳаммад ал-Атийя билан музокаралар якунларига баёнот берди.
“Биз Сурия Қатар сингари тинч-тотув, мустақил, суверен мамлакат бўлишидан манфаатдормиз, унинг ҳудудий яхлитлиги, этноконфессионал гуруҳлар ҳуқуқлари ҳурмат қилишини истаймиз. Биз бу принципларни фақат Сурияга нисбатан эмас, Ироқ ва Яманга нисбатан ҳам қўллаб-қувватлаймиз”, - унинг сўзларини келтиради ТАСС агентлиги.
Шунингдек, Лавровнинг маълум қилишича, учрашув чоғида Ироқ ва Туркия ўртасидаги муносабатлар муҳокама қилинган. Эслатиб ўтамиз, Туркия Ироқ ҳудудига отряд олиб кириб, Мўсул яқинида жойлаштирган эди.
“Кеча бу ҳаракатнинг тўхтатилиши талаби Туркияга Араб давлатлари лигаси томонидан айтилди”, - деди Лавров.
“Сурия суверенитети ҳам бузилмоқда, чунки ҳукумат ва мухолифат ўртасидаги фуқаролик урушидан ташқари, у ерда бутун дунёдан, шу жумладан, Россиядан ҳам борган таклиф қилинган жангарилар бор”, - хулоса қилди дипломат.