Туркия Россия билан муносабатлар яхшиланишига умид қилиб, унга нисбатан кескин чоралар қабул қилмаяпти. Бу ҳақда Туркия ташқи ишлар вазири Мавлуд Човушўғлу Анталиядаги Россия маданият ва санъат жамиятига ташрифи пайтида айтиб ўтди. Унинг айтган сўзларини “Ихлос” нашрига иқтибос келтирган ҳолда ТАСС ахборот агентлиги келтирмоқда.
Човушўғлунинг айтишича, Туркия Россия билан дипломатик инқироз бошлангандан бери “Россияга нисбатан ҳеч қандай салбий қадамлар амалга оширмаган”. “Биз учун Россия муҳим. У бизнинг энг муҳим ҳамкоримиз ҳисобланади ва шунинг учун биз сабр билан кутмоқдамиз ва ҳеч қандай чора кўрмаяпмиз”, деб айтди Човушўғлу.
Човушўғлунинг таъкидлашича, бундан икки давлат халқи жабр кўрмаслиги керак. “Афсуски, Россияда бизнинг баъзи фуқароларимизга нисбатан салбий қадамлар амалга оширилган. Умид қиламанки, россиялик дўстларимиз кўрилаётган чораларни қайта кўриб чиқишади”, деб айтди Човушўғлу.
Декабрь ўрталарида Човушўғлу Анқаранинг Россия билан икки томонлама муносабатларида сабри тугаётганини айтган.