Чеченистон раҳбари Рамзон Қодировнинг маълум қилишича, у АҚШ махсус кучлари томонидан ИШИД етакчиларидан бири Абу Умар аш-Шишанийнинг қўлга олингани ҳақидаги хабарга ишонмаслигини билдирди.
"Биз ҳам бундан анча аввалроқ уни ўлдирганмиз, деб ишонгандик. Менинг одамларим унинг жасади тепасида туриб, уни суратга олишган ва суратларни жўнатишганди. У эса кўп ўтмасдан тирик ҳолда пайдо бўлди. Энди унинг қўлга олингани ҳақидагина айтишмоқда. Бунга ишона олмаймиз", дейди у.
Қодировнинг қайд этишича, унинг Шишаний билан ўзига хос "ҳисоб-китоби" бор.
"У қўлга олинган-олинмаганидан қатъи назар унинг тақдири аянчли бўлади", дейди Қодиров.
Бундан олдинроқ, АҚШ махсус кучлари Ироқда ИШИДнинг етакчиларидан бири аш-Шишанийни ушлагани ҳақида маълумот пайдо бўлганди.