Business Insider нашриёти 42 та америкалик стартаплардан ташкил топган рўйхатни эълон қилди, уларнинг қиймати ушбу йилда миллиард доллар чегарасини кесиб ўтган. Тизим маъмурияти, соғлиқни сақлаш ва ҳатто бухгалтерлик ҳисоби соҳасида фаолият юритаётган компаниялар мазкур рўйхатдан жой эгаллаган. Уларнинг барчасини деярли ягона бир нарса боғлаб туради – ушбу корхоналар ўзига хос маҳсулот ва хизматларни етказиб беришда ахборот технологияларидан фойдаланадилар.
Рейтинг етакчиси ҳисобланган Zenefits компанияси мижозларга ойлик маош ва мукофотларни тўлаш жараёнини осонлаштиришда ёрдам беради. Бугунги кунга келиб, қиймати 4,5 миллиард долларни ташкил этган мазкур стартап саноатнинг энг тезкор ривожланаётган вакилларидан бири саналади.
Патрик Сун-Сионг, NantHealth асосчиси
Иккинчи ўрин совриндори Social Finance (SoFi) компанияси эса пулларни қарзга олиш имкониятини беради, у банклар ва бошқа молия институтларининг бевосита рақобатчиси саналади. 2015 йилда SoFi 4 миллард доллардан ортиқ кредитларни тақдим этган.
Янги миллиардер-стартаплар рўйхатидаги учинчи ўринда Tanium компанияси жойлашган бўлиб, у тизим маъмурларига ташкилотнинг тармоқ саноатида юз бераётган барча жараёнларни кузатиб туришда қўл келади.
Питер Теил (Peter Thiel), Stemcentrx асосчиси ва асосий сармоядори
Тўртинчи ўрин соҳиби бўлган Stemcentrx компанияси соғлиқни сақлаш соҳасида фаолият юритади. Мазкур стартап саратон билан курашишнинг муқобил усуллари – одам организмида касаллик чақирувчи ҳужайраларни йўқ қилишни ишлаб чиқмоқда. Мазкур рўйхатнинг яна бир вакили NantHealth компанияси мижозлар маълумотларини тўплаб, big data технологияси ёрдамида касалликни даволашнинг энг самарали усуллари бўйича маслаҳатлар беради.
Қуйида стартап-миллиардерларнинг тўлиқ рўйхати келтирилган (маблағининг ўсиб бориши тартибида):
42. Datto
Қиймати: 1 миллиард АҚШ доллари
Ташкил этилган йил: 2007
Фаолият йўналиши: Компания кичик ва ўрта корхоналарга компьютер, офис ва серверларнинг йўқ қилинишига олиб келган табиий талафотлардан кейин ўз фаолиятини тиклашда ёрдам беради.
41. Kabbage
Қиймати: 1 миллиард АҚШ доллари
Ташкил этилган йил: 2009
Фаолият йўналиши: eBay, Amazon и Etsy харидорларгиа пулни қарзга берадиган молиявий стартап.
40. AppDirect
Қиймати: 1 миллиард АҚШ доллари
Ташкил этилган йил: 2009
Фаолият йўналиши: компания иловалар ишлаб чиқарувчилари ва йирик корпоратив мижозлар ўртасида воситачи бўлиб хизмат қилади.
39. Apttus
Қиймати: 1 миллиард АҚШ доллари
Ташкил этилган йил: 2006
Фаолият йўналиши: компания сотиб олиш ва сотиш жараёнини осонлаштиради. Сотувчи салоҳиятли харидор билан алоқага чиққач, Apttus керакли маҳсулотни танлаш, нарҳ борасида келишиш, ҳужжатлар алмашинувини автоматлаштириш имкониятини яратади.
38. Carbon3D
Қиймати: 1 миллиард АҚШ доллари
Ташкил этилган йил: 2013
Фаолият йўналиши: компания 3D-нашр билан шуғулланиб, рақамли техника, авиа ишлаб чиқарувчилар ва бошқа санаот вакилларига хизмат кўрсатади.
37. Vox Media
Қиймати: 1 миллиард АҚШ доллари
Ташкил этилган йил: 2003
Фаолият йўналиши: Curbed, Re/code, Vox.com, The Verge, Eater, SB Nation, Polygon ва Racked каби лойиҳаларнинг таъсисчиси.
36. Zscaler
Қиймати: 1 миллиард АҚШ доллари
Ташкил этилган йил: 2008
Фаолият йўналиши: ахборот хавфсизлиги соҳасида хизмат кўрсатади.
35. Zeta Interactive
Қиймати: 1 миллиард АҚШ доллари
Ташкил этилган йил: 2007
Фаолият йўналиши: машҳур брендлар ривожланишини кузатиш ва таҳлил қилиш.
34. Fanduel
Қиймати: 1 миллиард АҚШ доллари
Ташкил этилган йил: 2007
Фаолият йўналиши: спортчилар муваффақиятлари (fantasy sport) натижаларига кўра пул ютиб олиш имконини берадиган доимий викториналарни ўтказиш.
33. Coupa Software
Қиймати: 1 миллиард АҚШ доллари
Ташкил этилган йил: 2006
Фаолият йўналиши: йирик компанияларга дастурий таъминотни харид қилиш билан боғлиқ ҳаражатларни оптималлаштиришда ёрдам беради.
32. MarkLogic
Қиймати: 1 миллиард АҚШ доллари
Ташкил этилган йил: 2003
Фаолият йўналиши: Coupa Software каби дастурий таъминотни мижозларнинг корпоратив тармоғида харид қилиш ва тарқатиш жараёнини осонлаштиради.
31. SimpliVity
Қиймати: 1 миллиард АҚШ доллари
Ташкил этилган йил: 2009
Фаолият йўналиши: сервер, сақловчи ва тармоқ адаптерларини ўзида мужассам этган аппарат қурилмаларини ишлаб чиқаради.
30. 23andMe
Қиймати: 1,03 миллиард АҚШ доллари
Ташкил этилган йил: 2006
Фаолият йўналиши: одам ирсиятини тадқиқ этиш. Компания мижоз сўлагини ўрганиш асосида ишлаб чиқилган 60 дан ортиқ ҳисоботларни тақдим этади. Ирсий касалликларга мойиллигини кўрсатиб бера олади.
29. Docker
Қиймати: 1,07 миллиард АҚШ доллари
Ташкил этилган йил: 2010
Фаолият йўналиши: ишлаб чиқарувчиларга инструментлар тўпламини тақдим этади, кроссплатформали дастурий таъминотни яратишни осонлаштиради.
28. Nextdoor
Қиймати: 1,1 миллиард АҚШ доллари
Ташкил этилган йил: 2010
Фаолият йўналиши: бир-бирига яқин жойлашган кўчада истиқомат қилувчилар билан мулоқот қилиш имконини берувчи ижтимоий тармоқ. Хизматдан фойдаланиш учун ўз исми ва турар жойини тасдиқлашнинг ўзи кифоя.
27. Udacity
Қиймати: 1,1 миллиард АҚШ доллари
Ташкил этилган йил: 2011
Фаолият йўналиши: ўқитишнинг инновацион усуллари. Ўқувчиларга оддий дарсликлар тарқатиш, маърузалар ўқиш ўрнига, Udacity Google, Cloudera, Facebook ва Salesforce каби техногигантлар билан ҳамкорлик қилган ҳолда, тор йўналишдаги мутахассисларни тайёрлаш учун ўзига хос машғулотларни ишлаб чиқади.
26. Uptake
Қиймати: 1,1 миллиард АҚШ доллари
Ташкил этилган йил: 2014
Фаолият йўналиши: Интернетга оид қурилмаларни ишлаб чиқади. Компания энергия ресурслари ҳаражатларини қисқартирган ҳолда, йирик корхоналар билан ҳамкорлик қилади.
25. Twilio
Қиймати: 1,1 миллиард АҚШ доллари
Ташкил этилган йил: 2008
Фаолият йўналиши: компания веб иловаларга аудио-қўнғироқларни амалга ошириш каби ностандарт функцияларни амалга ошириш имконини берадиган APIларни тақдим этади.
24. Sprinklr
Қиймати: 1,17 миллиард АҚШ доллари
Ташкил этилган йил: 2009
Фаолият йўналиши: ижтимоий ресурсларни бошқариш бўйича хизматлар тақдим этади.
23. Okta
Қиймати: 1,2 миллиард АҚШ доллари
Ташкил этилган йил: 2009
Фаолият йўналиши: ахборот хавфсизлиги соҳасидаги хизматлар. Тўрт мингдан ортиқ иловаларга оид маълумотларни сақлайди, ҳар куни авторизация қилишга оид миллионлаб сўровларни қайта ишлайди.
22. Warby Parker
Қиймати: 1,2 миллиард АҚШ доллари
Ташкил этилган йил: 2010
Фаолият йўналиши: винтаж услубидаги кўзойнакларни сотиш.
21. Medallia
Қиймати: 1,25 миллиард АҚШ доллари
Ташкил этилган йил: 2001
Фаолият йўналиши: Sephora, Honeywell, Verizon ва Sony каби гигантларга ҳисоблаш билан боғлиқ хизматларни тақдим этади.
20. Thumbtack
Қиймати: 1,3 миллиард АҚШ доллари
Ташкил этилган йил: 2008
Фаолият йўналиши: тумандаги ўз касбининг маҳоратли усталарини излаш ва ташкил этишда ёрдам беради. Масалан, мижозга унинг шаҳридаги яхши бўёқчи керак бўлса, Thumbtack бу борада ёрдам бериши мумкин.
19. DraftKings
Қиймати: 1,35 миллиард АҚШ доллари
Ташкил этилган йил: 2011
Фаолият йўналиши: Fanduel каби фойдаланувчиларга уларнинг севимли спортчиси сўнгги мусобақаларда (fantasy sport) яхши натижа кўрсатганида, пул ютиб олиш имконини беради.
18. Jet.com
Қиймати: 1,5 миллиард АҚШ доллари
Ташкил этилган йил: 2013
Фаолият йўналиши: тезкорлик билан ривожланаётган онлайн-дўкон. Мижозлар омборхонадан йирик буюртмани амалга оширганларида, чегирмага эга бўлишлари мумкин.
17. Buzzfeed
Қиймати: 1,5 миллиард АҚШ доллари
Ташкил этилган йил: 2006
Фаолият йўналиши: мазкур медиа-гигант янгиликлардан тортиб, мушукларга оид видеороликлар каби кенг турдаги хизматларни тақдим этади.
16. MuleSoft
Қиймати: 1,5 миллиард АҚШ доллари
Ташкил этилган йил: 2006
Фаолият йўналиши: турли API, илова ва қурилмалар ўртасида алоқа ўрнатишга ёрдам бериш.
15. The Honest Company
Қиймати: 1,7 миллиард АҚШ доллари
Ташкил этилган йил: 2011
Фаолият йўналиши: уйни тартибга солиш учун экологик хавфсиз бўлган маҳсулотларни сотиш.
14. Oscar Health Insurance
Қиймати: 1,75 миллиард АҚШ доллари
Ташкил этилган йил: 2013
Фаолият йўналиши: янги авлод суғурта компанияси. Oscar мижозлари шифокордан телефонда бепул маслаҳат олишлари, шунингдек шахсий фойдаланиш учун фитнес-трекерларни қўлга киритишлари мумкин. Агар қурилма янги муваффақиятни қайд этса, мисол учун мижоз кун давомида миқдор жиҳатдан рекорд даражадаги қадамларни босиб ўтса, махсус совғага эга бўлади.
13. Zocdoc
Қиймати: 1,8 миллиард АҚШ доллари
Ташкил этилган йил: 2007
Фаолият йўналиши: бемордан узоқ бўлмаган жойдаги шифокорни топиш ва тезкорлик билан унинг қабулига кириш учун рўйхатга кириш имконини беради.
12. Prosper Marketplace
Қиймати: 1,9 миллиард АҚШ доллари
Ташкил этилган йил: 2006
Фаолият йўналиши: Пулни қарзга бериш ва фоизга қарз олиш истагида бўлган одамларни бир-бири билан боғлаб қўяди.
11. Blue Apron
Қиймати: 2 миллиард АҚШ доллари
Ташкил этилган йил: 2012
Фаолият йўналиши: обуначиларга янги озиқ-овқат маҳсулотлари ва таомларни тайёрлаш бўйича ғаройиб рецептларни юборади.
10. Domo Technologies
Қиймати: 2 миллиард АҚШ доллари
Ташкил этилган йил: 2010
Фаолият йўналиши: маълумотларни тозалаш ва таҳлил учун тайёрлаш, визуаллаштириш ва big data соҳасидаги бошқа хизматлар.
9. Github
Қиймати: 2 миллиард АҚШ доллари
Ташкил этилган йил: 2008
Фаолият йўналиши: дастурий таъминот ишлаб чиқарувчилари учун машҳур ижтимоий лойиҳа.
8. NantHealth
Қиймати: 2 миллиард АҚШ доллари
Ташкил этилган йил: 2007
Фаолият йўналиши: беморлар тўғрисида маълумотлар тўплаш ва big data ёрдамида оптимал даволашни ҳисоблаб чиқиш.
7. Avant
Қиймати: 2 миллиард АҚШ доллари
Ташкил этилган йил: 2012
Фаолият йўналиши: кирим даражаси паст бўлган шахсларга ипотека кредитларини бериш.
6. Lyft
Қиймати: 2,5 миллиард АҚШ доллари
Ташкил этилган йил: 2012
Фаолият йўналиши: такси чақириш ва брон қилиш хизмати, фақат АҚШда фаолият юритади.
5. Wish
Қиймати: 3 миллиард АҚШ доллари
Ташкил этилган йил: 2011
Фаолият йўналиши: мобил тижорат. Компанияга Yahoo, Google ва Facebook’нинг собиқ ходимлари томонидан асос солинган.
4. Stemcentrx
Қиймати: 3 миллиард АҚШ доллари
Ташкил этилган йил: 2008
Фаолият йўналиши: саратонни даволашнинг муқобил усулларини тадқиқ этиш. Stemcentrx даволаш қийин бўлган саратон ҳужайраларини йўқ қилишни ишлаб чиқишга интилмоқда.
3. Tanium
Қиймати: 3,5 миллиард АҚШ доллари
Ташкил этилган йил: 2007
Фаолият йўналиши: тизим маъмурларига ташкилот компьютерлари, серверлари ва тармоқ қурилмаларида содир бўлаётган ҳамма нарса бохабар бўлиш имкониятини беради.
2. Social Finance (SoFi)
Қиймати: 4 миллиард АҚШ доллари
Ташкил этилган йил: 2011
Фаолият йўналиши: кредитлар бериш. Компания жорий йилнинг ўзидаёқ тўрт миллиард доллардан кўпроқ кредитлар берган.
1. Zenefits
Қиймати: 4,5 миллиард АҚШ доллари
Ташкил этилган йил: 2013
Фаолият йўналиши: ойлик маош, мукофот ва бошқаларни тўлаш жараёнини осонлаштиради. Ахборот технологиялари соҳасида энг тезкор ривожланаётган компаниялардан бири саналади.
Манба: Xabardor.uz