Криштиану Роналду: Футболчиликни якунлаганимдан кейин қироллар каби яшашни истайман

«Реал» ҳужумчиси Криштиану Роналду ўзига қаратилган танқидларга муносабат билдирди. У фаолиятини тугатгач қандай яшамоқчи эканини ҳам айтиб ўтган.

«Одамлар сен ҳақингда нима деб ўйлаётганини билиб яшаш мумкин эмас. Барчага бирдек ёқиб бўлмайди. Баъзилар мени ёмон кўради, менинг виждоним тоза, тунда хотиржам ухлайман. Мен босимга дош бера оламан. 11 ёшимда ўз нарсаларимни ўзим дазмол қилардим.

Футболчиликни тугатгач қироллардек яшамоқчиман. Ўзим истаган нарсани қилиш учун анчагина вақтим бўлади», – дейди Роналду Goal.com нашрига.