Ўзбекистонда 2016 йилда маош ва пенсиялар миқдори 15 фоизга ошади

Ўзбекистонда иш ҳақи, пенсия, стипендия ва нафақаларнинг миқдори турли манбалар ҳисобидан 15 фоизга ошиши кутилмоқда. Бу ҳақда Ўзбекистон президенти Ислом Каримовнинг Янги йил табригида айтилди.

2015 йилнинг 1 сентябридан Ўзбекистонда энг кам иш ҳақи 10 фоизга оширилганди. Айни вақтда Ўзбекистон Республикаси ҳудудида энг кам иш ҳақи — ойига 130 240 сўм, ёшга доир пенсиялар — ойига 254 730 сўм, болаликдан ногиронларга бериладиган нафақа — ойига 254 730 сўм, зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа ойига 156 310 сўмни ташкил этади.