Дубайда ёниб кетган меҳмонхона маъмурияти ёнғиндан жабрланганларга етган зарарни тўлаб беради

Дубайда 31 декабрь куни кечаси ёнғин содир бўлган Address Downtown номли беш юлдузли меҳмонхона маъмурияти ёнғин вақтида меҳмонхонада бўлган ва жабрланган мижозларга келтирилган зарарларни қоплаш учун пул тўлайди. Бу ҳақда Khaleej Times нашри хабар тарқатган.

Мижозлар учун кийимлар ва озиқ-овқат маҳсулотлари берилган. Бундан ташқари, уларга бепул қўнғироқларни амалга ошириш имкони тақдим этилган.

Маълум қилинишича, меҳмонхона ҳали ўз давлати элчихонаси билан боғлана олишга улгурмаган чет элликларга молиявий ёрдам кўрсатади.

Меҳмонхонада ёнғин арафасида еттинчи қаватдан 12 қаватгача бўлган қисмларда истиқомат қилганларга ўз хоналарига қайтиб, буюмларини олиб кетишга рухсат берилган.

Меҳмонхона 31 декабрда маҳаллий вақт билан 21:30 да ёниб кетган. Аланга 63 қаватли бинонинг 40 қаватини қамраб олганди. Мингдан ортиқ киши эвакуация қилинди. Ёнғинни ўчириш учун 14 соат кетган, ёнғин сабаби ҳозирча номаълум. Ёнғин оқибатида 14 киши енгил, 2 киши ўртача жароҳат олган, уларнинг барчаси шифохонада қолмоқда.

Дубай марказидаги меҳмонхона биносида ёнғин чиқди

ТВ: Дубайдаги байрам тадбирлари меҳмонхонадаги ёнғин туфайли бекор қилинмайди

Дубайда меҳмонхонадаги ёнғинга қарамасдан байрам салютлари отилди

Дубайдаги меҳмонхонадаги ёнғин бинонинг 40та қаватига зарар келтирди