Спорт | 12:47 / 04.01.2016
3755
1 дақиқада ўқилади

Ўзбекистонлик енгил атлетикачи Андрей Петров "Рио-2016" ўйинларига йўлланма олди

2016 йили Бразилиянинг Рио-де-Жанейро шаҳрида ўтказиладиган XXXI ёзги Олимпиада ўйинларига йўлланма олган ўзбекистонлик спортчилар сони яна бир нафарга кўпайди.

Хитойнинг Сянмин шаҳрида ўтказилган марафонда Ўзбекистон вакили Андрей Петров 42 км. 195 метр масофани 2:17.47 сонияда босиб ўтиб, белгиланган меъёрни бажарди.

Шу тариқа, ўзбекистонлик енгил атлетикачилар XXXI ёзги Олимпиада ўйинларига саккизинчи йўлланмани қўлга киритишди.

Бугунги кунга келиб, “Рио-2016” ўйинларига қўлга киритилган лицензиялар сони 51тага етди. Шундан 24таси Паралимпиячиларга тегишли.